金像影后妮歌潔曼（Nicole Kidman）噚日去咗紐約時裝周睇Calvin Klein場騷，同場有雜誌《Vogue》主編Anna Wintour同女星朗妮瑪娜（Rooney Mara）傍住，仲睇到入晒神。之後妮歌返去酒店，喺酒店門口俾一個踩住單車嘅狗仔隊記者撞到正，據知該記者離遠贒到妮歌，即刻衝埋去影相，仲鏟上行人路，點知喺妮歌面前又煞唔停，搞到火星撞地球，令妮歌當場仆低又甩鞋。雖然妮歌冇受傷，之後仲換衫兼恤個靚髮，若無其事再去撐Calvin Klein個慶祝派對，但佢睇嚟驚魂未定，仲同傳媒講「我真係嚇親，之後會搞掂佢，𠵱家我係嚟玩嘅」，暗示會告到底。睇嚟呢位記者真係辣着咗妮歌咯。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24