【喜】加盟曼聯後，「爆炸頭」費蘭尼人氣急升，星期三佢喺曼徹斯特行街買嘢嗰陣，都俾英國狗仔隊跟。其實費蘭尼冇做咩特別嘢，佢去完銀行後，路過一間髮型屋（圖），望都唔望入面，直行直過，之後英國報章就話費蘭尼應該冇意思轉髮型，會keep住佢個招牌爆炸頭喎！曼聯周末會喺英超早場迎戰水晶宮，費蘭尼好大機會首次上陣；水晶宮方面就唔好彩，新簽返嚟嘅後衞積克亨特足踝受傷，要唞4個月，下年先出得。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24