黎耀祥、蘇玉華、鍾景輝和岑杏賢等昨在電視城為無綫新劇《男大當婚》試造型。飾演司機的祥仔笑言會玩制服誘惑，還與蘇玉華有感情戲：「我哋呢個年紀好難襯啲對手， 10幾年前拍完《反黑先鋒》冇再合作，𠵱家我哋有咗經歷，再撞番有唔同嘅感覺，如果呢個組合好睇，可以多個選擇，唔使大家成日講襯雯女（鄧萃雯）。」有報道指雯女懷疑頸生瘤兼有抑鬱，祥仔說：「平時好少聯絡，間唔中做活動有見過，我個幾月前撞見唔覺得佢有嘢，冇刻意問。」祥仔會否叮囑雯女要放鬆點？他說：「佢同我合作不知幾放心同輕鬆，我就得人，不知幾好相與，我叫過佢，甚至所有人都睇開啲，我知佢緊張工作，我都明白，演員緊張工作係必然，我就比較放鬆，睇名利如浮雲。」
蘇玉華嗒三正男
久未拍無綫劇的蘇玉華笑言，與祥仔合作是很期待和享受的事，但最令她興奮是與恩師鍾景輝飾演父女：「真係好奇怪，我哋喺舞台劇合作過，但係喺無綫未合作過拍劇，今次緣份嚟喇，我真係要好好把握佢！」她亦大讚祥仔是一個很好的演員，認為今次劇集和角色配合恰當，蘇玉華又透露已收到六集劇本，可捉着對手一同研究，她坦言期待盡快開工。蘇玉華笑說：「今年工作好豐收，同唔同界別最叻嘅演員合作，舞台劇有謝君豪，電影有黃秋生，電視劇就有黎耀祥，我覺得今年特別幸福，畀啲咁正嘅男人我。」
採訪、攝影：何慧斯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！