上季玩完馬後炮，今季就做預言家，同大家一齊睇吓嚟緊周末有咩好睇。今周傾乜：巴利天價上「馬」。
加里夫巴利以1億歐元嘅高價去咗皇家馬德里，究竟皇馬應唔應該大嗱嗱拎咁多錢去買佢，我哋可以用幾個角度去睇，首先係戰術角度。皇馬上季嘅正選兩翼係C朗同迪馬利亞，兩個都係一等一嘅好球員，而且由皇馬買完巴利就即刻放走奧斯爾嚟睇，皇馬嘅攻擊線冇增兵嘅急切需要。
另外，巴利成名技係喺邊線扭入中路射門，呢招唔係咩獨步天下嘅武器，亦都係C朗一直以來嘅武器。就咁睇，皇馬今季冇巴利會唔會有問題？絕對唔會！正所謂物以罕為貴，但當今球壇最不缺的就是進攻中場，只見車路士同拜仁可以儲埋一大班攻中，就知道周圍都係人才。講同巴利踢法接近，唔計皇馬自己嘅迪馬利亞，大熟大勇嘅有列貝利同洛賓，新一代有夏薩特，而熱刺購入嘅拉美拿都係翼鋒人才。
一件貨品值幾錢，好多時都係一種比較。C朗9,600萬歐元身價，佢係孭住英超同歐聯冠軍、英超神射手同埋世界足球先生，佢嘅身份係唯一一名拍得住美斯嘅世界頂級球星。至於巴利嘅1億歐元有啲咩？唔好話金球獎，佢連英超冠軍都冇。C朗去皇馬時，毫無爭議地係英超嘅首席球星，但巴利呢？雖然佢係雙料英格蘭足球先生，但未可稱得上英超嘅首席球星，小弟覺得佢嘅能力頂多拍得住尹佩斯同蘇亞雷斯。文：咖喱
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24