【喜】幫德國踢完國際賽後，大眼仔奧斯爾（圖）周三去到新球會阿仙奴報到，周四仲參加操練，孖住同鄉梅迪薩卡一齊熱身，之後佢仲同領隊雲格一齊出席記者會。雲格就相當風騷，仲講笑：「上場對完熱刺後，我話好可能會簽入球員嗰陣，大家都唔太信我，令我發覺自己有啲孤獨。」講到周六作客對新特蘭場波，雲格話：「奧斯爾有機會正選，因為我哋冇咗踢國際賽時傷咗嘅路斯基。」另外，雲格仲未計劃續約，佢話要睇吓呢季成績點再決定；唔通如果阿仙奴再冇冠，佢就會走人？
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24