今年4月1日離職、在任只得半年嘅前中央政策組全職顧問關永圻，早前曾被揭冇按規定，喺離職後一年嘅「冷河期」內，事先向《前任行政長官及政治委任官員離職後工作諮詢委員會》（委員會）申請，就喺6月開出版顧問公司，中策組知衰後仲私下叫關永圻補交申請補鑊㖭。
但呢件事無礙關永圻嘅開公司大計喎，事關委員會噚日話，認為關永圻遵循委員會建議嘅若干規限前提，而佢離職後嘅自僱安排，又唔會構成任何潛在利益衝突，更加唔預期，有關自僱安排會惹起負面公眾反應或公眾觀感，所以批准佢開公司兼任董事申請，換言之政府都唔阻住佢喺外面搵真銀咯。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24