《神鎗狙擊》膠味真係愈來愈濃郁，其實前晚睇到咁好肉地嘅香香，竟然入到去飛虎隊受訓，已經好令人擔心飛虎隊嘅質素，點知一入到去，班男飛虎感覺已經十分之MK，唔知會唔會令市民對「飛虎隊」嘅形象產生負面影響。
而噚晚一集《神鎗狙擊》，香香就要繼續受訓，即係要繼續拋C奶，佢除咗著小背心又跑步之外，為咗唔俾一班男飛虎睇死，話會拎到支AWP(狙擊步鎗)，無啦啦劉華上身，隨地執咗碌木托上身跑，最神奇係，其他飛虎成員跑完10KM，件衫十分之乾爽，汗都冇滴。
然後，最搵戲嚟做嘅，就係之後香香跑到隻腳板起水泡痛到死，飛虎張致恆就玩佢，話飛虎隊有條秘技，就係用條脷舔個水泡，但又唔可以用口水，有鎮痛作用喎!香香第一個反應話係：「玩嘢呀？」但之後自己又偷偷哋試，於是乎，就出現咗呢堆「香香玩腳圖」啦!有網民話咁蠢都做到飛虎，香港市民嘅身家性命交俾佢哋就死得啦！
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24