甘比自成為大劉女友，08年誕下女兒劉秀樺，去年再添兒子，她從未接受媒體訪問，上周甘比破天荒接受時尚美容雜誌《add》訪問，談湊女經和大劉當慈父的另一面。甘比談到兩個月前陪囡囡在跑馬地冒雨賣旗，是為幫助兒童的慈善機構籌款，她說：「她知道是幫小朋友就很開心，其實爸爸都成日幫弱勢社群和新移民，他時常跟女兒講，同爸B、媽咪一齊幫人。」
大劉不怒而威，但囡囡叫他做「爸B」，他一見女兒就冇火，甘比說：「爹哋在女兒面前不會惡，有時要惡，都會由我惡。」甘比經常提醒女兒是平凡人，不要浪費食物，玩具舊了要捐出去，連身邊的菲傭工人也向女兒解釋一番：「我會跟她說姐姐好慘，菲律賓來，全家人只有她一個人來工作，姐姐是幫我們做事，做事都要說唔該、thank you！」
甘比又謂女兒會整早餐給大劉和她吃，單手打蛋、煎pancake，她希望子女善良，心地好，基本讀到大學畢業：「我不做怪獸家長，不做直升機家長，只想她開心。」會否再生？甘比表示隨緣。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！