當大家都為小玳瑁被送入海洋公園後，竟然走入死門關惋惜之際，海洋公園主席盛智文竟然離奇預告，CY都會有Die嘅可能㗎。唔好以為盛智文黑心，查實佢係好心至真，噚日佢被問到香港情況嘅時候話呀，香港問題查實非因CY而起，仲話2017年政改之後係香港轉捩點，寄語CY要同不同意見人士持續對話，聲言「If you don't talk, you will die」。
八方唔知CY會唔會受盛智文感化，只知道CY噚日主持行會嘅Thursday Lunch，大談自己暑假期間走訪咗東北三省，又預告嚟緊帶團去廣西同福建，呼籲在場嘅政商界人士跟佢去，民主黨主席劉慧卿係座上客，佢話當時都有好多人叫佢去，但冇回鄉證又點成行？可惜狼英離場時都冇回應佢呢位無證人士。
熱血青春電影《狂舞派》席捲今夏，柒良同阿花嘅夢想去盡未？
男女主角聯同導演黃修平齊上《亂噏24》，動Live預埋你！
http://bit.ly/appletalk24