白鴿黨為咗慶祝19周年黨慶，下月4號會喺尖沙嘴搞番場酒會兼籌款晚宴，希望筵開50圍、籌到200萬，而晚宴嘅請帖已經準備好。負責今次籌款晚宴嘅李華明話，呢款銀配綠色嘅光面請帖，係由民主黨創意媒部班後生仔設計，就連晚宴現場嘅佈置、舞台設計同埋娛賓活動，都由佢哋包辦。
白鴿黨已經講明，由於佢哋成日叫狼振英、陳謬波同吳得掂下台，所以唔會請佢哋去黨慶嘞。咁究竟仲可以請邊個高官呢？肥仔明就大賣關子，話月尾嘅記招就會揭盅。但佢都講明，白鴿黨只會邀請啲官去酒會，唔會請佢哋去晚宴，事關官員唔方便捐錢，無謂難為佢哋喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange