港區人大代表啱啱去完吉林完成9日考察。由於5月嗰次短程考察，36個人大中約得20個人，難怪今次西環早落柯打叫佢哋高度重視、積極參加，最好避免遲到早退，如果因事缺席唔該同人大常委會書面請假㖭。但林順潮同王庭聰最終都唔聽話冇現身。
據聞王庭聰上月底列席完人大常委會會議，公務纏身行唔開；至於林醫生，怕且忙於治療小斌斌，都算情有可原，據聞亦有人逆聖旨早走，唔怕俾人照肺咩？
有份隨團嘅民建聯葉國謙話行程緊湊，睇咗吉林工業、文化同環保方面嘅發展；另一位人大、新民黨田北辰就喺fb貼咗去長白山嘅觀光相，寓考察於娛樂。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24