東京獲得2020年奧運主辦權，香港坊間引起極大迴響，面書被瘋狂洗版，好友們紛紛留言：「7年後，點都要去東京，睇一次奧運！」小弟不識時務，隨便回應一句：「吓！香港做馬術嗰陣，你喺看台睇到瞓咗！」之後幾乎被unfriend。
不只香港，一提東京，總能觸動鄰近地區的神經，兩大權威官媒新華社和中央電視台齊齊誤報土耳其伊斯坦堡當選，究竟是偶然，還是別有用心，小弟當然相信前者，可憐長沙一間報館誤信報道，原文照登，需緊急回收幾十萬份報紙，真是無妄之災。
空有外表又如何
難得日本寬宏大量，外務省沒有公開批評誤報嚴重傷害中日人民的感情，還繼續在社交網絡上載一系列慶祝相片和短片。當然，蒼井空會否參與奧運聖火傳遞，聖火會否經過靖國神社，又或者在海上自衞隊護航下，由該國的右翼分子送上釣魚台，若然屬實，中日外交角力足以媲美奧運各場賽事。
此時，另一豬朋狗友大鬧小弟挑起事端，直言北京奧運是史上最成功，開幕禮李寧飛上半空點聖火，令中國人民自豪團結，更不明白港人為何崇日。小弟冒着被unfriend之嫌回應，「唔係崇日，係崇優。日本識得包裝，條奧運宣傳短片充滿人性化，令人覺得東京辦奧運，會啟發到新一代，唔係只有華麗外表，冇內涵。」
京奧後，中國是否真的領悟到奧運精神，從今屆全運會應略知一二。唔講奧運精神，至今依然有人當街大小二便，路上滿佈「地雷」，上京仍是步步驚心。驀然回首，京奧已是5年前的舊事，真是歲月如歌！本報記者
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24