Tempo母公司SCA本周一話收購維達（3331），單刁仲有一段時間先至完成，維達CFO曾思豪噚日就話即日拜拜。使唔使咁趕呀，真係咁唔鍾意Tempo，留多陣做場戲，方便交易順利過度都嫌費事？
好多時上市公司執行董事唔撈，為減輕對公司嘅影響，美其名通常調去做非執董或者顧問。以李寧（2331）為例，基金股東TPG主政後，CEO張志勇雖然實際上已經讓位，但冇起身，留任董事兼首席顧問。曾思豪今次話走就走實在奇怪。
消息人士就解釋，曾思豪其實一早因為私人理由，決定離開，只係咁啱喺SCA提出收購之後走人，兩件事本身完全唔關事咁話。
佢走之後，就由舊年先至加入維達，做企業融資總監嘅譚奕怡，暫任署理CFO先。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24