作為一個散戶，要在云云「股海」中，搵到優質股的確唔容易。好多時，只睇股票名，都唔係好知間公司做乜。就算知道，都未必知道間公司有無後台撐腰。
好似石藥集團（1093，前稱中國製藥），齋睇個名都估到同製藥有關，不過，原來其背後大股東係聯想集團（992）個阿媽聯想控股！
摩通首予買入評級
該公司在今年初改名為石藥集團，翻查資料顯示，主要股東為卓擇有限公司，持股逾70%。再追查落去，發現卓擇是聯想控股旗下公司之一，原來石藥不單止背後有猛人支持。該公司基本因素亦強勁。
摩通發表報告指，看好公司年前獲大股東注入資產，令其轉型為高速增長的高毛利創新藥品，預計未來數年銷售增長強勁，有望維持競爭優勢及定價能力。
另外，公司於精簡原料藥（API）業務後，主攻咖啡因及維他命C兩大API業務，不單止成本低，市佔率更是最大，故在行業整固後，更有助提升石藥的市場位置，故首予其「買入」評級，目標價5.5元，即是上市新高水平。
石藥走勢一直不俗，但自4月尾遭大股東減持後，股價便維持於4元水平上落。市場曾揣測是次減持，是因為聯想持有可換股債券，若行使後，便令公眾持股量少於25%，故並非大股東看淡前景。只要再有注資行動，不排除有機會爆上。
瑪姬兒
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24