內地工資上升，廠商喺內地設廠，未必再有成本優勢，飛達帽業（1100）識走位，除咗廣東，近年亦喺孟加拉設廠，副主席顏寶鈴形容，孟加拉工人醒目又簡單，人工低，反觀內地工人要求越來越多。
顏寶鈴狂呻，𠵱家內地工人見工時要求多多，「有冇冷氣、可唔可以靈活上班（想遲上班）、食飯幾多碟飯餸、男女比例係點、平均年齡幾大（想識男女朋友）」一大堆問題。孟加拉就人實事求事，每個月底都有人集結喺廠門口搵工，有工做就心滿意足。
更重要當然係孟加拉人工平，內地一名普通工人，工資連食住福利，每月成本5,500元，孟加拉只需500元，相差十倍。難怪公司計劃逐步將生產線轉到孟加拉，𠵱家孟加拉佔總產能一成，明年就會增至五成。
所謂有辣有唔辣，孟加拉工資係低，其他就乜都貴，顏寶鈴話：「一罐可樂成25蚊港紙！」
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24