香港桌球1哥傅家俊（Marco）雖身在香港，卻心繫遠在英國嘅囡囡包包，佢仲打算喺香港買冰皮月餅，希望下周打完上海大師賽後，帶返英國同兩母女過中秋！已兩年冇喺香港比賽既Marco，噚日喺尖東舉行嘅名將盃桌球賽兩戰皆勝，肯定入4強，其中一場以3:1反勝英格蘭嘅禾頓，報番上月歐巡賽決賽輸波之仇。
買定月餅賀中秋
挾7月澳洲公開賽冠軍頭銜，Marco噚日下午兩點嘅比賽吸引數百球迷捧場，當中包括影星苗僑偉、「四眼妹」吳安儀同港隊總教練郭偉恩；至於傅太同8個月大嘅包包因為喺英國，冇陪傅家俊喺香港打比賽，Marco話：「今次返嚟幾日，所以冇帶佢哋，我哋已決定咗，包包3歲前會喺英國生活，之後先返香港讀幼稚園，我哋都想佢學好中文。」
Marco話囡囡開始識爬、識坐、出牙仔，佢話最恨聽包包叫爸爸：「其實佢已經識得叫媽媽，上星期試過叫爸爸，但唔係對住我，包包每個成長階段我都唔想錯過。」打完名將盃，Marco禮拜六就去上海，參加下個禮拜二嘅大師賽，之後會返英國：「我當然希望中秋節仲喺上海（22號爭冠軍），但都會帶月餅返英國同家人慶祝中秋節。」
另外，投資100萬港元主辦名將盃嘅黃日洪話，正計劃申辦PTC（亞巡賽站之一），希望香港都可以搞到世界排名賽喎。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24