中秋佳節臨近，又係建制派發動蛇齋餅糭攻勢旺季，區區都派月餅，有乜嘢方法突圍而出？觀塘區民建聯嘅潘進源就諗到喺中秋唔派月餅，改為教街坊包糭！有網民上載潘議員張海報，佢喺上星期一連兩日舉行「親子包糭同樂日」，一日教準備材料，一日教點包，引嚟大批網民恥笑。有網民仲即刻回帶最近重播嘅《溏心風暴》，黃宗澤（圖）原來喺入面講過：「試問一個人喺端午節，究竟係食月餅定係食糭都分不清嘅時候，係咪就係神志不清？」
不過送乜嘢都好，最緊要係大方，唔好好似一樣係民記嘅北區天平東區議員柯倩儀咁，講到明跟住選區條界嚟派月餅，搞到天平村得半條村有得攞，仲要帶住址證明先攞得，俾網民大鬧佢小家搞分化！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange