「娛樂大亨」林建岳平時同明星一齊開記招，一字排開影相就見得多，噚日失驚無神走咗去新股中滔環保（1363）嘅投資推介會，仲要由頭坐到尾，坐咗差唔多兩粒鐘先走人，又講明可能認購些少捧場，所以先至親自到場睇睇。
中滔主席徐湛滔透露，佢同岳少成十年朋友，以前做仁濟醫院總理時認識。富力地產（2777）主席李思廉作為中滔嘅上市前股東，亦有現身。徐主席都幾落力招呼呢兩位新股稀客。
幾年前，新股熱炒時，新世界發展（017）創辦人鄭裕彤、華置（127）主席劉鑾雄等幾位大孖沙不時現身投資推介會，基金界代表就有劉央。不過，近年啲新股都好難請得到佢哋，中滔喺內地做污水處理，集資五、六億元，竟然搵到猛人做生招牌，希望佢上市後，股價靚仔啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange