（樂）英格蘭前鋒朗尼（上右）因為頭部受傷，暫時踢唔到波，所以佢同老婆高蓮（上中）趁機帶佳仔（上左）去海灘玩，享受吓天倫之樂。朗尼真係個廿四孝老竇，佢陪住佳仔，無論囝囝想抱抱（左圖），定要要玩騎膊馬，都冇托手踭。不過，朗尼始終係公眾人物，所以全程都戴住黑超。另外，上星期有睇新聞都知，朗尼因早前練習嗰陣撞傷頭部，搞到頭上有一大條傷痕，真係恐怖到兒童不宜，所以佢都戴番頂帽先出街，費事嚇親人。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange