恒基地產（012）主席李兆基每次出席有份捐錢嘅活動，例必全家人捧場。佢2009年捐出4億元畀科大興建李兆基校園，其中一幢樓高七層嘅李兆基商學大樓噚日正式啟用，四叔嘅仔女到齊，「千億新抱」徐子淇更以一身略帶性感嘅學生look示人，見佢青春逼人，點睇都唔似生咗三個仔女。
除咗四叔一家，律政司前司長梁愛詩、四叔「左右手」林高演亦有到。科大校董會主席張建東雖有現身，但佢掛住招呼嘉賓參觀新大樓，傳媒基本上埋唔到佢身。
講番四叔，可能噚日天氣較熱，儀式喺下午三點舉行，四叔畢竟係85歲嘅老人家，佢喺新大樓外面影完一輪相，再入室內主持大樓啟用儀式，上台演講時，不時喘氣，要坐陣回氣先可以再同傳媒傾偈。真係要講句：四叔保重呀。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24