美國洛杉磯大前日舉行咗一個節日活動L.A.County Fair，呢個活動今年已經係91周年，主辦單位請咗美國癲喪女歌手Ke$ha做表演嘉賓。Ke$ha喺台上面舉行咗慶祝儀式，但個儀式竟然係將一隻紙造嘅馬仔撕到爛晒，啲紙碎周圍飛，都幾壯觀。佢最初仲同啲舞蹈員一齊打爛隻馬，真係陰功。Ke$ha又將自己個演唱會一部份再搬上舞台，佢同一個類似鬼太郎單眼爸爸嘅舞蹈員跳辣身舞，仲噴忌廉餵畀個舞蹈員食㖭。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！