（哀）球迷要睇皇家馬德里一對總值接近2億歐元嘅翼鋒陣，恐怕要等多陣，事關剛完成嘅國際賽令基斯坦奴朗拿度（C朗、上圖）過份疲勞，葡萄牙國家隊已經唔使佢踢周二喺美國對巴西嘅友賽，但佢能否趕及西甲周六作客維拉利爾仲成疑問；而新科最高轉會費球星加里夫巴利（下圖），跟隨威爾斯國家隊練習嗰陣，又拉傷咗鼠蹊肌肉，要接受MRI檢查先知傷勢，對黃色潛艇亦都上陣成疑。另外，皇馬教練安察洛堤接受訪問期間，已經否決咗推C朗打正箭頭嘅念頭，準備安排佢同巴利雙翼齊飛，不過呢個組合可能要等下輪聯賽先現身。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange