新世界發展（017）創辦人鄭裕彤2011年投資輝山乳業（6863），成為上市前股東，呢隻「彤叔愛奶」噚日開始上市路演，彤叔抱恙，就由阿仔鄭家純代為出席投資者推介會，不過佢都係閃過，笑晒咁同管理層大合照，逗留10分鐘就瀟灑鬆人。
留10分鐘就鬆人
近年新股乏人問津，個別新股推介會冷清到要曬凳，搞到投行賓架要搵唔關事嘅同事扮座上客，充撐場面。之不過，輝山嘅推介會竟然好墟冚，有投資者甚至要食閉門羮，認真罕見。
純官全程笑住同管理層影相，交晒差先至走人，不過佢似乎唔想講咁多，可能費事講完隻新股，又要評論CY政府嘅奇人奇事。
問佢點解咁好眼光買「奶」，佢竟然笑笑口話「你問番（輝山）老細啦」，淨係賣花讚花香，話輝山「梗係好嘢」，咁就揚長而去。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24