鬧市醉駕的無品車主向警察挑釁說：「我係共產黨！」警察怎樣回應？有沒有戴有色眼鏡？不知道，但報章形容，警察挺起胸膛大聲說：「咁又點呀，我係香港警察！」對白到此為止。
劇情戲仿再發展的話，準備隻揪的兩個主角繼續互窒：「香港警察大晒呀！」對方寸步不讓：「大過你少少！共產黨，老幾呀！收皮啦！」火上加油的後續是：「你大我！你知唔知689都係共產黨呀！」「習近平係你契爺都假！快些吹波波！」「唔吹！阿茂波點解唔使吹波波，你擺明屈我，親疏有別！」「咁就拉你返差館。」醉漢大叫：「我要去ICAC告你！告到曾偉雄甩褲！」警察Ｏ嘴，醉貓尖叫：「拉我返賓館！係咪想上下其手，郁我！」「係差館唔係賓館！」「差你老母！」接着下來，就是典型西洋菜街式粗口橫飛。共產黨撐警隊，曾偉雄亢奮到爆，前線警察，唔似一哥咁紅，每天都會遇到很多疑似共產黨惡棍，老母會被自稱高級過你的共產黨員問候。形勢險峻，退休警司，還敢公開蒲頭撐自己友嗎？