《衝上雲霄II》一如所料大團圓結局，透過facebook破解每集航空知識謬誤嘅飛機師、公民黨譚文豪，本周六喺立法會議員梁家傑藍田辦事處搞飛機師入職講座。消息一出，辦事處電話響唔停，60個名額一粒鐘爆滿；反應咁熱烈喎，梗係要encore，公民黨決定喺葵芳同東涌加場，每場名額100個，稍後接受報名。
做飛機師係唔少人嘅夢想，咁入職機師有乜嘢條件先？譚文豪話航空公司招聘機師時，只係要求申請人擁有中學畢業程度，但查實九成機師都大學畢業。佢話身邊同事嚟自各行各業，醫生、律師、消防員、警員，讀建築同讀經濟嘅都有，如果年輕人想鋪路做飛機師，讀工程學係較為理想。佢仲叫有近視或遠視嘅人放心喎，只要經醫生證實視力正常就冇問題，但色盲者就一定out嘞。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange