全運會有場足球賽失禮死人，連外國傳媒都轉載，就係日前嘅男足4強，遼寧對新疆。62分鐘，新疆班後防好似突然撞邪，先係艾力江禁區內解圍見高唔見遠，麥合木提倒掛解圍又撻Q，就連門將葉爾傑（圖）都控唔住個波，俾佢慢流尾袋入網。有網民話，喺足球比賽呢啲失誤都唔少見，不過3個失誤竟然一齊發生，就真係未免太過壯觀！呢場波最後賽和1:1，遼寧互射12碼贏5:4入決賽。不過，遼寧嘅運氣就冇帶到去周二嘅決賽，佢哋同上海法定時間踢成0:0，最後加時以0:l飲恨，只得亞軍。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24