張智霖（Chilam）本月初宣佈過檔蕭定一旗下的中國3D數碼娛樂有限公司，昨日他盛裝出席在舊啟德停機坪舉行的簽約記者會，同時宣佈續約星娛樂，黃柏高、葉念琛、胡耀輝及電子傳媒的高層均有出席。Chilam和蕭定一乘坐勞斯萊斯到場，接着在一班穿上露腰空姐裝的空姐陪同下，在台上與兩位老闆蕭定一和薛濟傑進行簽約儀式，現場更不時播放Chilam重唱的《歲月如歌》，接着Chilam和蕭定一坐直升機在空中暢遊。
明年8月開個唱
外間盛傳Chilam今次以8位數字獲邀加盟，心情勁靚的他笑說：「今日對於我係一個大日子，希望未來幾年做出新嘅成績。錢係商業秘密，不過最好玩係喺上面行個大運，天氣又同我心情一樣咁開朗。」Chilam稱稍後將會有一連串歌影視的工作計劃，現階段要保持最好狀態，迎接新工作：「我最鍾意係拍劇，人物立體好多，比較多篇幅，所以我幾鍾意呢個模式。演唱會最遲明年8月舉行。」
談到無綫將與蕭定一合作拍《衝上雲霄》電影版，Chilam說：「聽講會呀，不過係明年嘅事，我自己好期待，當然一部電影嘅誕生，唔係一個可以做到，要有各方面先可以成事，《衝II》有呢個成績已經係好大嘅獎勵。」人選方面，他說：「我冇任何話事權，只係演員，每一個演員都有魅力。」
預期兩個月回本
對於簽約現場播Chilam重唱的《歲月如歌》，他說：「呢個係唱片公司嘅安排，遲啲我會出張重唱一啲我好鍾意嘅歌（嘅碟）。」有網民為Chilam設計《衝II》的結局相片，他笑說：「嗰張相真係好好笑，我已經cap咗畀個仔睇。」
另外，蕭定一因公司和Chilam簽約，刺激公司股價昨日爆升1.3倍，收市報6.1仙。蕭定一又透露《衝上雲霄》電影版將於明年6月前開拍，預計製作費6千至8千萬元，是中港合拍片打入內地市場。蕭定一指以預付形式簽Chilam，金額是「合理的8位數字」，但否認是5千萬元，有信心預期兩個月回本。
採訪：何慧斯
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！