有追開Pro J嘅老友記都知道我對TCL系情有獨鍾，全因2009年起同佢哋班管理層「一見如故」，加上佢哋嘅IR總監見識又多，吹水能力又好，自然吸引到Pro J對佢哋嘅鍾愛！
仲記得TCL多媒體（1070）分拆影音業務而變成今日嘅通力電子（1249）時，Pro J全力舉腳贊成，原因有幾點：
一、影音業務喺1070一世都發唔到圍，分拆可以令影音業務重新歸位；
二、通力係做OEM影音業務為主，數得出嘅各大品牌，通力都同佢哋有一手，庫存問題對通力影響唔大；
三、花幾千萬，幫TCL系整多個ATM平台，除笨有精，方便以後大玩財技，高明！
上市後，回歸基本，影音業務成為咗通力主要嘅收入動力，毛利率喺呢個位講緊有超過23%，最主要嘅係當大家以為所有嘢可以用iPad上網睇片嘅同時，有班人（包括Pro J）已開始追求更靚嘅畫質同聲效。
所以Pro J一定係睇藍光碟（正版定老翻唔話你知，但一套優質嘅音效系統自然成為咗必然首選，加上𠵱家消費者模式嘅改變，追求更高嘅影像同音響自然係正常不過。
高位企得穩唔怕追
講到咁好，你問我Pro J𠵱家應該點樣做好，我就覺得股價4元邊位震完之後，一嘢爆上去5.9元，可恨街貨唔係多，加上最主要係大家未睇到佢嘅真實價值，策略是：等佢回調成交低，小注買入。
想安心嘅話，聽Pro J名句，破咗之前嘅高位企得定，就再go go go！買股只要有動力，絕對唔怕高追，睇下聖誕節前食唔食到個大餐！
徐燦傑
中國銀河國際財富管理主管
本欄逢周三刊出
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24