「點解佢哋可以咁兒戲？」明明今年2月先將摔跤踢出奧運，點知前晚國際奧委會95名會員當中，超過半數嘅49票贊成佢哋入番2020東京奧運會，壁球再次申奧失敗。香港壁球隊總教練蔡玉坤用「兒戲」同「自打嘴巴」形容成件事，不過佢話，國際壁聯已預咗長期作戰，2020仲有彎轉喎。
「比起倫奧，今次更失望，佢哋又話畀機會啲新項目，到頭來又選番啲舊嘢。」蔡玉坤希望2016奧運後，奧委會會再評估賽項，希望到時結果會改寫；不過今次投票中，壁球只得22票，比24票嘅棒球/壘球仲要少，機會真係難啲。
24歲嘅香港1姐歐詠芝（圖）原本話為咗2020奧運會，會打到31歲，𠵱家落選，佢話至少都打到28歲：「當然失望，我可能冇機會參加奧運。暫時諗，現階段會專注壁球，到3字頭就會諗轉行。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange