海洋公園主席盛智文出名鬼主意多，原來佢都係四圍飛，到處觀摩攞靈感，佢噚日出席博鰲青年論壇後自爆，最近去過南韓考察當地嘅水上公園，希望能夠為預計2015年動工、2017年落成啟用嘅全天候水上樂園尋找靈感。
港人創意爭少少
對於最近有報告指，香港喺創意方面競爭力不足，佢認同，港府對於創意產業嘅投入同支持，唔及南韓，港府應該提出具體計劃，吸引年輕人投身創意產業，不能單靠金融業去支持經濟發展。大家亦要出去搵創意，去外面睇吓世界級嘅人做緊乜，生產緊乜嘢產品。
唔講唔知，盛智文原來係蘋果之友，話說華華同佢傾偈期間，突然有工作人員煞有介事咁提醒佢，華華係邊間報館。盛智文即刻爆出一句：「《蘋果日報》係好報紙，佢哋係我朋友。」真令人感動。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24