（哀）周日世盃外非洲區，喀麥隆主場小勝利比亞1:0，搶到I組首名，出線外圍賽第3圈，但佢哋嘅射手伊度奧（圖）就退出國家隊，專心球會賽事。喀麥隆教練芬克賽後話：「伊度奧係個偉大嘅球員，但都係等佢自己同大家解釋好啲；佢係唯一一個人有資格解釋呢個決定，佢為足球貢獻良多，尤其係喀麥隆嘅足球，我唔可以再講嘞，留番佢講啦！」32歲嘅伊度奧今夏由安治轉投車路士，將要幫球會應付聯賽同歐聯等多條戰線，退出國家隊都合理。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange