蘋果新產品發佈會如箭在弦，市傳將推出iPhone 5S，當中最爆就係「指紋認證」新技術。去年蘋果斥3.6億美金收購AuthenTec，就係呢瓣技術嘅專家，相信新iPhone具「指紋認證」的成數甚高。
如電話可辨認指紋，用家只要如常按Home制開機，毋須入密碼就可直接入到iOS介面，既可保障私隱，又相當方便。三星見iPhone有新武器，可能威脅領導地位，極有可能收購相關企業。上市公司中，以世達科技（1282）呼聲最高，配合業績大翻身、訊息安全股的估值飆升，加上圖表走勢靚爆，1蚊冇走雞！
近期世達極速擴張其指紋認證版圖，去年12月收購瑞典FPC近6%股權，今年5月沽出約四成股份，勁賺3倍，反映相關股份升值潛力驚人！今年旗下生物保安通訊軟件平台FingerQ，以及生物通訊裝置PrivacQ技術，齊齊獲中國專利證書；其後FingerQ再獲全球通訊組織GSMA會員身份，足證技術達國際水平。上周再斥3,912萬銀入股挪威科技商IDEX，業務邁向全球，指日可待。
上半年公司轉賺6,118萬銀，中期息0.4仙，現金4.3億佔市值四分一。新產品下半年陸續推出，盈利基數又低，具倍倍聲的增長潛力。保守點當下半年增長30%，預測PE約13倍，以其業務潛力判斷，至少值20倍PE，啱啱好見1蚊！
魏力
http://www.facebook.com/2012jason
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange