維園舊泳池已經閂咗，將會被拆。呢度係唔少人嘅回憶，好似附近嘅皇仁仔，都要嚟呢度上體育堂，留低幾條腳毛，仲係每年水運會主場。皇仁舊生會噚日向舊生發出徵稿呼籲，叫大家講吓昔日喺維園泳池難忘回憶，有相提供埋更好，話希望師兄弟一齊分享拆不走、忘不掉嘅學生時代回憶。
八方問過皇仁老友，佢話那些年主要回憶係水運會，但唔係睇比賽，因為齋校好難投入，最難忘係點樣可以喺點咗名後走佬，但又唔會俾風紀捉到；仲有係點樣可以坐喺觀眾席上，安安全全睇漫畫。不過都有熱心同學，幫自己同一社嘅參賽同學打吓氣，低年班係打氣主力。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange