從投資角度來睇，做生意當然是食水越深、毛利越高越好。但如果有上市公司話畀你聽，佢嘅margin長時間都高過行業水平一大截，儘管佢總有九萬個理由去justify，但經驗話我哋聽，呢啲情況通常無乜好結果。
近年經典例子有「過氣明星股」雨潤（1068）。它高𥧌時毛利率有14、15%，高絕所有行家，但2011年突然話自己受「負面消息」影響，毛利率無端急插，更曾一度蝕住錢咁去賣豬肉，投資者至今仍難以理解。
另一隻體育用品股中國動向（3818），當年上市時純利率高逾40%，曾被芬佬笑說好似賣白粉咁好賺。公司解釋Kappa是國際品牌，產品價格貴人哋20%自然利潤高啲。聽落好似很合理，但既然自比是「國際品牌」，咁人哋每年花咁多錢搞廣告、做研發去支撐品牌價值，中國動向又做咗幾多嘢？這些短暫谷出來的高利潤並不sustainable， 好業績只能曇花一現。最近新股輝山乳業，主業是養牛及生產原奶，據說毛利率高近59%，同期現代牧業（1117）只有32%。而輝山在09年才成立，track record甚短。故事聽落好熟悉，希望海迪只是估中個開頭，沒有估中結尾。
海迪
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24