早兩個月去咗美國放假兼為舊患做手術嘅機管局主席張建東今日終於公開露面。佢頭頂戴住幾頂帽，今日就以科大校董會主席身份，為「李兆基商學大樓」主持啟用儀式。
今日將現身科大
張建東戴住嘅幾頂帽，最近全部火頭處處，最熱門當然係政府應唔應該收回粉嶺高爾夫球場用作建屋。粉嶺同深水灣球場同屬香港高爾夫球會，張建東係球會會長，一定要畀立場啦。
機管局早排爆出CEO許漢忠懷疑違規評標風波，新近又傳張建東同科大校長陳繁昌不咬弦。咁多火頭，唔知佢準備好點回應未呢？
講番李兆基商學大樓，整個項目有3座大樓，係四叔幾年前捐4億元畀科大發展，2009年動工。商學大樓首先落成啟用，總共有7層。據聞，科大商學院搬去呢度，3樓專門開辦出名嘅EMBA課程㖭。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24