中聯辦主任張曉明叫香港人唔好淨係顧住玩微博、WhatsApp，要做創新嘅受益者。係㗎，微博真係不宜沉迷㗎，玩得多、玩得癲，真係會好似中聯辦宣傳文體部部長郝鐵川咁，玩到出事㗎！郝鐵川唔單止玩微博玩得叻，玩得創新，簡直就係創晒先河，玩微博玩到要「封筆」呀！
談國教歪理連篇
向來語出驚人嘅郝鐵川，由2011年開始公開玩微博，玩到上癮，每兩、三個月就有鴻文俾傳媒欣賞。郝部長初初唔止貼文咁簡單，仲喺微博玩直播，同網民傾偈，處男直播公開話，越嚟越多人理解同認同內地政府對八九六四嘅言論。
之後佢欲罷不能，2011年5月喺微博就大讚洗腦嘅國民教育係「健腦」，仲話呢科如果唔係教學生聽中央政府話，點能夠仲叫國民教育科呢？郝部長見咁多人熱烈討論佢嘅言論，幾個月後就大鬧前美國駐港總領事楊甦棣，話佢係搞分裂嘅老手。不過玩到咁大，喺2011年嘅12月31日大除夕，郝部長就話要封筆，自此冇再喺微博發表偉論喇……
查實呢，香港人係鍾意玩fb多啲㗎，皆因唔想寫完平反六四會俾微博刪走。
郝鐵川微博言論
2011年3月 ：「越來越多人理解和認同內地政府對六四的結論」
5月：「有人說德育及國民教育不要聽中央政府的，但那還叫國民教育嗎？中小學的德育及國民教育根本不是『洗腦』，而是『健腦』。」
9月：「楊甦棣（前美國駐港總領事）是個甚麼人？是個在台灣搞台獨、在東歐搞分裂的老手！美國就要把中國搞亂，把香港搞亂。」
12月：由於工作繁忙，從2012年開始，本博主決定封筆。
張曉明：
「希望香港的年青朋友們，不僅在日常生活中用微博、微信、WhatsApp交流，在淘寶、亞馬遜等網站購物．．．．．．不僅僅要做創新的受益者，而且要把目光投向更廣闊的空間。」真實對白
mailto:[email protected]
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24