保釣英雄阿牛噚日為保釣踩到上郵政局。唔通想寄信去釣魚台？非也，佢哋係拉banner要求香港郵政幫佢哋發行釣魚台郵票。
阿牛話，佢哋有義工設計咗一套保釣郵票，一套七款，包括有佢哋登島嘅歷史一刻、保釣船啟豐二號畀日方艦艇夾擊嘅情景。阿牛話，家陣台灣都出咗保釣郵票，一旦日本政府第日都出埋，咁香港冇自己嘅保釣郵票，唔申請一套，「咁我哋咪好笨？」原來佢哋04年已向香港郵政申請過出一次保釣郵票，但係就冇回音。今次再向香港郵政申請，對方就話最快都要等到2015年，先知道有冇可能成事。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange