坊間一直流傳，人稱「肥馬」嘅馬時亨，係新一屆港鐵（066）主席熱門人選。正所謂空穴來風，未必無因，繼7月宣佈擔任港鐵獨立非執董後，馬時亨最新仲做埋港鐵股東，關係真係越來越密切。
用年薪七倍掃貨
根據港交所（388）權益披露資料顯示，馬時亨上周一（2號），真金白銀拎咗208萬元，掃入7萬股港鐵，平均價每股29.699元，用噚日收市價30.05元計，賬面都賺緊2.4萬元。
馬時亨做港鐵獨董，每年有30萬元酬金，佢今次大嗱嗱拎七倍人工出嚟掃貨，係咪想話畀大家聽，佢係講心唔講金呢？
連埋港鐵，馬時亨𠵱家總共做緊三間上市公司獨董，其餘兩間分別係農業銀行（1288）同中國鋁業（2600），不過肯做埋股東嘅，就只有港鐵咋，話唔係親疏有別都冇人信囉。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange