香港市民相當熟悉嘅家品零售商日本城，將於本周招股，原以為公司就咁叫做日本城，方便散戶一睇就明，點知公司為上市改咗個好名，叫「國際家居零售」（International Housewares Retail），簡稱IHR，由「日本」升呢「國際」。
IHR形容自己係「國際」其實都有根據嘅，據保薦人嘅報告披露，IHR喺2011年進軍新加坡市場，𠵱家做到市佔率No.1，不過就唔係用「日本城」品牌，而係叫「日本燑家」。公司喺馬來西亞、澳門亦有小量分店。
內地呢個零售商必爭之地，IHR都有舖，不過目前規模仲好細，眼見近年中日關係唔多好，公司好醒目，唔叫分店做「日本城」，而叫「泛美家」。
近年唔少公司只要同日本有少少關係，都會喺內地俾人唱，上市公司唔叫日本城，似乎都合情理。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24