要說布有輝的漁民往事，相信一日一夜亦說不完。作為布袋澳土生土長的漁民，生於一家七口的家庭，童年自然過得不一樣。「細細個就要幫手捉魚，邊似𠵱家呢一代咁幸福！夜晚要喺船度捉浮水魚，用強光射落海度，引啲魚游過來，跟住就將之前放落海嘅網扯上嚟，瞓幾個鐘，又要天光前放網打魚，真係無時無刻同海做朋友㗎！」16歲上岸後，因對煮食有興趣，便轉行學廚，一做便20多年，在東大街開餐廳做蜑家菜，至今家族仍有出海捕魚，經常取得罕有魚種，是愛食魚之人的尋寶地。
「以前捉到嘅鹹水白鱔，味道正到呢！不過，𠵱家好難搵到，水上人有斑都唔食，反而鍾意食細魚，魚越多骨越好味呀！」像當日即日捕回來、像手掌般大的荷包魚，顏色鮮艷，單以薑葱、日本岩鹽清蒸已經非常鮮美。「水上人煮法簡單，烹調時多以白灼、油鹽水煮等，調味料盡量少落，越簡單越好，其實漁民係好有智慧呢！」的確，越新鮮的食材，便毋須花巧烹調，有甚麼比即捕即食更好？
c. 金東大小廚（2569 4361）
地址：筲箕灣東大街59-99號5號舖
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24