敏華控股（1999）上周五發力上衝，連環升穿多條平均線，升勢料有餘未盡。集團主要產銷梳化，並以「芝華仕」品牌直接出口至歐美亞洲等海外零售商。今年累積升幅五成，主要食正美國樓市復蘇概念，當地收益佔總額達52.3%。業績亦交足功課，截至今年3月底止，全年賺5.7億銀，按年增長87%，毛利率亦升2.3個百分點至36.3%。受退市陰霾影響，美國債息今年拾級而上，引發市場憂慮當地樓市或有震盪。不過，翻查近期公佈嘅美國樓市數據，無論樓價、二手樓銷售、新屋動工數字全線穩增，加上債息升勢已反映退市預期，一旦落實退市，債息升幅隨時放慢甚至回落，均對樓市有利。
收益佔比達28.5%嘅中國市場，動力亦不可小覷。內地「芝華仕」及「愛蒙」品牌零售店數目已突破1,000間，單計首七個月已增125家。另一方面，集團透過阿里巴巴旗下天貓網狂谷網上銷售，去年相關收入勁增5.5倍至6,546萬銀，肯定係未來盈利增長主要引擎。
睇圖表，敏華成功突破9.5元阻力，兼有成交配合，一旦升穿10蚊大位，有力挑戰今年高位10.9元，屆時預測市盈率都只係15倍，絕對合理。
唐牛
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange