（哀）曼聯「險簽」咗成個夏天，喺最尾嗰日先買到費蘭尼（左）返嚟，唔止球迷唔滿意，就連班主格拉沙家族都覺得有問題，要召負責轉會嘅行政總裁活華特去照肺。英國《鏡報》透露，格拉沙預咗活華特可以幫曼聯至少簽到一個巨星返嚟，例如基斯坦奴朗拿度或者法比加斯；所以格拉沙都好失望，要活華特交報告解釋，點解今夏轉會咁失敗！外界估計，活華特同莫耶斯（右）都係啱啱上任，而前者仲係會計財務出身，唔熟足球轉會，所以搞到一鑊粥！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange