【追星一族】
大學時開始追星，到今天成為太空館館長的陳己雄，視觀看一顆壯麗彗星為人生必看四大天文現象之一。1986年「掃帚星」哈雷彗星回歸，他有緣在港目睹，「當年好轟動，（彗星）好似明星咁，出名自然多人睇，政府出埋首日封。」但最終哈雷比預期失色，因此寄望今年光科網彗星帶給他驚喜。
觀天文現象靠運氣
陳己雄表示，他希望能目睹四大天文現象：流星雨、日全食、彗星和北極光，至今一個已達標，就是01年看到的獅子座流星雨，其餘他相信要靠運氣。
86年他在港大讀書時，參加天文學會追星，當年是哈雷彗星相隔76年回歸地球的時間，他與各地天文愛好者一樣，充滿期待。不過到觀測到時，「冇預計咁靚，當時喺香港島睇，肉眼睇唔到彗尾，要用雙筒望遠鏡，先勉強睇到彗尾，但只係似星團」。
他指出，肉眼可看到的彗星不多，有時只可在南半球看到，過往本港上空也有出現，但多數緣慳一面，「唔係天氣唔好，就係冇預期咁光」。他對光科網彗星寄予厚望，「今次好有機會達成其中一個願望！」
陳己雄憶述，首任太空館館長廖慶齊提及過一次觀看彗星，令他一直難忘，「佢話嗰次粒彗星係太陽落山後出現，差唔多（好似）有一支大探射燈射出嚟」。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange