（怒）皇馬轉會市場關閉前，狠心賣中場奧斯爾去阿仙奴，除咗籌旗買加里夫巴利外，原來背後仲有另一個原因，英國《太陽報》爆料，奧斯爾（圖）之前因為搭上前委內瑞拉小姐艾達（Aida Yespica），成日偷偷飛去意大利會佳人，搞到狀態下滑。呢位艾達都好猛料，佢前男友名單有意大利後衞費拉利同羅馬尼亞前鋒梅度，𠵱家就喺一間米蘭電視台做主持，31歲都仲keep得好好，難怪奧斯爾着迷；好彩，𠵱家奧斯爾已經清醒，同現任歌星女友曼迪如膠似漆。另外，兵工廠之前殺低熱刺簽到奧斯爾，球會出到兩年共1,500萬鎊合約，希望同來季約滿嘅領隊雲格續約。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24