去年「忍者龜」卡通於美國播放，成為最受歡迎的兒童節目之一，帶挈彩星玩具（869）產品熱賣，營業額狂升23倍，半年勁賺2.1億銀；過去一年，彩星股價翻了三番，5毫子炒到兩個幾。
本月29日，忍者龜第二輯將會上映，仲要日日播，氣勢肯定更旺盛，管理層講明，下半年營業額將佔全年七成，猶如講明：上半年業績只係頭盤，the best is yet to come！戰友們，係時候買定彩星玩具，準備享受新一波升浪，中線目標3.60元！
跟管理層的三七比例計數，下半年每股盈利將達0.4256元，全年EPS為0.608元，預測PE僅3.7倍，真係平到唔信！保守啲計，當上下半年係四六之比，預測PE都係4.9倍，仍然係大超值。
即使你當佢係隻工業股，佢都係一隻有品牌、仲要係全球知名品牌的工業股，加埋數以倍計的增長潛力，畀8倍PE唔太過份吧。用魏力的保守方式去計，就係3.60元；用管理層指引計的話，8倍PE係值4.86元，水位1.2倍！
宏觀去睇，美國經濟穩步復蘇，失業下數續降，樓市逐步反彈，消費信心增強，均有利感恩節及聖誕節的銷情。
管理層於中期業績表示，配合新一輯卡通片播出，公司將推出一系列新產品，可望鞏固最暢銷動作人偶品牌的地位；相關電影更將於明年上映，料不難掀起一股忍者龜狂熱！
魏力
http://www.facebook.com/2012jason
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24