【人物專訪】
早前有新聞指美銀美林一名德國實習生，過勞猝死，相信不少打工一族聽畢都人人自危。友邦香港及澳門市場及業務策略總經理謝佩蘭卻強調，「要有work-life balance（作息均衡），有事可以早走，寧願home office（在家工作），至少可以同家人食餐晚飯」，坦言「𠵱家冇朝九晚五嘅工嗱」。
記者：董曉沂
香港寸金尺土，樓價與人工升幅脫節，升斗市民承受的重擔，猶如壓力煲不斷加熱，但謝佩蘭卻抱着敬業「感恩」的心態，面對職場大作戰，在繁重的工作生涯中，忙裏偷閒，補充「電池」，啟動引擎。
「可同家人食晚飯」
她建議「必要時可以早啲放工」，但工作未完卻要先離開公司，其實變相home office加班，相對之下，「可以同家人食餐晚飯」，爭取相處時間，已經好好。人人都說work-life balance重要，實踐起來談何容易？謝佩蘭現身說法，堅持每星期周六、日，與家人相聚，或到商場閒逛歎杯咖啡，為自己充電。話雖如此，謝佩蘭坦言，放假時工作亦要習慣，「因為放完假後唔使再catch up番」，work-life balance總要付點代價罷。
朝九晚五是昔日打工一族的集體期望，但謝佩蘭直指，「𠵱家冇朝九晚五嘅工啦」，所以她寄語職場中人，要安排好時間，令工時更彈性處理。電子科技一日千里，謝佩蘭笑言，「本世紀最偉大、最惡毒發明就係BlackBerry」，有了黑莓手機，老闆傳遞工作指令，無遠弗屆，「有埋iPad，可以睇attachment（附件）」，工作與生活就更加糾纏不清。
放工識reset 踢走緊張
彈性工時安排雖好，不過回家工作同樣累人，謝佩蘭又道出另一平衡要訣，就是要懂得「boot機」reset（重置精神狀況）。她以自己為例，「返工好緊張，行路都行得快過人，但一放工就會reset，一落床就瞓着覺」，然後「每朝起身感恩，覺得今日可以返工」，畢竟，未退休卻又失去工作的日子，更加可悲。謝佩蘭說，年輕時不用鬧鐘自然醒，但隨着年紀漸長，現在一定要靠鬧鐘協助，「鬧鐘一響就起身，唔會賴床」。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24