「Son姐你好。睇咗你投訴國泰嗰篇嘢。眼見有好多人challenge，有啲替你不值。其實我第一次睇都同佢哋一樣覺得你有無理取鬧的地方。我因聽『祖、Son』而認識你亦都睇你的專欄。冇理由會講出咁冇質素的控訴㗎，再睇多次時。就諗你同佢哋所講的ponit都唔同。我估你想講CX明明作出承諾但做唔到。再加上明明已經冇警報點解唔可以上咗行李先起飛。只為控制自己公司個timetable呢？呢個係我的理解。但係fb度寫會火上加油所以只好PM你。寫出我的感受嚟支持你。」
胡亂承諾 錯上加錯
多謝你明白我！我有反覆思量自問是否寫得不夠清楚招來口誅筆伐。天氣無常我明白，行李意外遺失亦時有發生。今次不是偶然一班機而是整個上午起飛航機的行李都失蹤，國泰應當要向乘客有所交代。尤其知道原來不是意外而是管理層下的決定，既然早知為甚麼不一早在機內廣播向乘客交代？起碼不用戇居居落機四圍頻撲語言又不通徬徨無助。錯上加錯是為敷衍乘客胡亂作出承諾，實牙實齒承諾行李送達時間，令乘客大失預算再次失望。
手提行李體積有限制，大瓶藥水又不能帶，出差帶的手信文件貨辦電腦，晚上出席宴會的化妝品晚禮服、鞋及手袋， 試問如何擠得下？那個帶着3歲女兒的年輕媽媽氣憤難平，都是因為國泰完全失去聯絡，莫講冇職員冇地勤，當地及香港的所謂熱線電話打爛都冇人接！閃紅警報所有操作要停止以保障員工安全是應該。我們不是以乘客自居大晒只要行李，話之其他人死活，但國泰今次這樣的處理手法實在太差。如果不是收到你的來函，我本不打算解釋，為此再寫一篇，是為了對得起你的信任及支持，萬分感激！
張慧敏
http://www.facebook.com/HKcareerdoctor
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange