運動員退役後創業，有成功如前香港欖球代表卓銘然（Ricky)，才30歲已是7店的老闆，亦有足球員合資創業，最後因店舖瘋狂加租，最後無奈結束。
卓銘然表示，創業要有膽量，還要懂得如何將主意實踐：「個個人都有好多idea，最重要由idea轉去實踐。好多人驚蝕本，但做生意一定有機會蝕錢，但我覺得現在仍有體力及健康，就搏一搏。」
Ricky於09年與朋友合資乳酪雪糕店至今差不多4年，現經營雪糕乳酪外，還有薄餅店、拉麵店、酒吧及健身中心，籌備多時的咖啡店亦將開業，而代價是沒有假期，但不會投訴，因這是其鍾意的事情。
球員點心店放盤止蝕
過去有不少本地足球員在球員生涯時搞生意，務求令退役後有多條出路，只是創業不是個個成功，像李健和及譚兆偉等在當打時試過合資搞樓上運動用品店，可是並不成功；而傑志隊長朱兆基與黃鎮宇等合資在澳門開二手衫店，數年前與文彼得及圈外友人合資在尖沙嘴搞點心舖，而黃鎮宇更試過與友人投資搞炸薯條，縱使生意不差，但業主的瘋狂加租，最後只有選擇賣盤。
朱兆基說：「其實點心店生意唔錯，只是真的要時間及心機去經營，可是租金有上冇落，像點心店租約未滿，業主已放風話加租，再加實在冇得做，當時有人想買盤便順勢甩身離場，埋單計是蝕了數萬元，算是買了個經驗。」至於其澳門二手衫店已交由家人打理。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange