周大福（1929）賣金㗎啫，幾時搞埋養老呢？早排睇內地新聞，發現有位「香港周大福執行董事陳松濤」喺重慶同其他公司研究，點樣打造養老項目，最近香港又開咗間「周大福養老產業投資」，其中一名董事係內地人「陳松」。究竟周大福老闆鄭家純幾時關心埋內地養老問題呢？
華華好奇走去向周大福兼同系新世界發展（017）問個究竟，答案竟然係查冇此人。唔只上市公司，甚至母公司周大福企業都冇陳松或者陳松濤，咁公司自然亦冇計劃發展養老項目啦。
正牌曾告四公司侵權
正所謂樹大招風，內地曾經出現唔少周六福、周百福之類，名字同周大福好似嘅品牌，個別直情叫做周大福，只係前後加「香港」或者「國際」字眼，例如周大福國際之類，正牌周大福已經控告過四間公司侵權，唔排除上文話搞養老嘅香港周大福，咪只係個名叫「香港周大福」囉，根本同上市公司冇關。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24