中國證監會主席今年初換人，由郭樹清換上肖鋼，常言道新人事新作風，但佢兩位喺提高透明度嘅諗法就好一致。中證監最近就開始試驗性推出一條查詢熱線，仲講明要做到有求必應。
中證監上周五喺例行記者會上宣佈，即日起設立熱線「12386」，主要處理證券期貨市場投資者嘅投訴、諮詢同埋建議，例如購買投資產品、跟證券公司有爭拗，或者對政策提出建議，都可以打呢條熱線，仲會有專人負責處理兼轉達訴求，務求對每位投資者提出嘅訴求，件件有回覆咁話。
中國有成過億股民，就算「12386」好似東華或者保良局籌款咁，有幾十條線接投資者電話，恐怕都好難照顧得晒，不過肖鋼就畀咗個訊息市場，就係佢都好有心做嘢。
前主席郭樹清上場後，就提議改善新股上市審理程序，要跟國際以披露為本。照咁睇，兩任主席喺提高透明度呢方面，方向都係相同。
激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24